അപകടത്തിന്റെ പശ്ചാത്തലം:
എവിടെ, എപ്പോള്‍: സ്പെയിനിലെ ടൊലെഡോ (Toledo) പ്രവിശ്യയില്‍, മാഡ്രിഡില്‍ നിന്ന് ഏകദേശം 150 കിലോമീറ്റര്‍ തെക്ക് മാറി രാവിലെ 9 മണിയോടെയാണ് അപകടം നടന്നത്.
എങ്ങനെ സംഭവിച്ചു: സ്പാനിഷ് റെയില്‍വേ ഓപ്പറേറ്ററായ അഉകഎന്റെ വിവരമനുസരിച്ച്, രണ്ട് ട്രെയിനുകളും ഒരേ ദിശയില്‍ (തെക്കോട്ട് ആന്‍ഡലൂഷ്യയിലേക്ക്) സഞ്ചരിക്കുകയായിരുന്നു. ഇതിനിടയില്‍ ഒരു ട്രെയിന്‍ മറ്റൊരു ട്രെയിനിന്റെ പിന്നില്‍ ഇടിക്കുകയായിരുന്നു.
ട്രെയിനുകള്‍ ഏതൊക്കെ: ഇതിലൊരു ട്രെയിന്‍ സ്പാനിഷ് സര്‍ക്കാരിന്റെ ഉടമസ്ഥതയിലുള്ള 'റെന്‍ഫെ' (Renfe) കമ്പനിയുടേതാണ്; മറ്റേത് 'ഇരിയോ' (Iryo) എന്ന സ്വകാര്യ കമ്പനിയുടെ വണ്ടിയും. ഇരു ട്രെയിനുകളിലുമായി ആകെ 544 യാത്രക്കാരാണ് ഉണ്ടായിരുന്നത്.
രക്ഷാപ്രവര്‍ത്തനം യുദ്ധകാലാടിസ്ഥാനത്തില്‍:
അപകടത്തെത്തുടര്‍ന്ന് മാഡ്രിഡ്, സിയുദാദ് റിയാല്‍, ആന്‍ഡലൂഷ്യ എന്നീ പ്രദേശങ്ങള്‍ക്കിടയിലുള്ള മുഴുവന്‍ റെയില്‍ ഗതാഗതവും പൂര്‍ണ്ണമായി നിര്‍ത്തിവച്ചു. സ്പാനിഷ് മാധ്യമങ്ങള്‍ പുറത്തുവിട്ട ദൃശ്യങ്ങളില്‍ ഒരു ട്രെയിനിന്റെ വാഗണുകള്‍ പൂര്‍ണ്ണമായി തകര്‍ന്ന് കത്തിയമര്‍ന്ന നിലയിലാണ് കാണാന്‍ കഴിയുന്നത്. ചില വാഗണുകള്‍ റെയില്‍വേ പാളത്തിനടുത്തുള്ള ഒരു ചരിവിലേക്ക് മറിഞ്ഞുവീണു.
മാഡ്രിഡില്‍ നിന്നുള്‍പ്പെടെയുള്ള അടിയന്തര രക്ഷാസേനാ സംഘങ്ങള്‍ സംഭവസ്ഥലത്ത് എത്തിച്ചേര്‍ന്നിട്ടുണ്ട്. പരിക്കേറ്റവരെ പ്രാദേശിക ആശുപത്രികളിലേക്ക് മാറ്റിപ്പാര്‍പ്പിച്ചുവരുന്നു. അപകടത്തിന്റെ തീവ്രത കണക്കിലെടുത്ത് രക്തസാന്ദ്രത ഉറപ്പുവരുത്താന്‍ മാഡ്രിഡ് ബ്ളഡ് ട്രാന്‍സ്ഫ്യൂഷന്‍ സെന്റര്‍ അടിയന്തരമായി രക്തദാനത്തിനായി പൊതുജനങ്ങളോട് അഭ്യര്‍ത്ഥിച്ചിട്ടുണ്ട്.
അനുശോചനം രേഖപ്പെടുത്തി പ്രധാനമന്ത്രി:
ടൊലെഡോയിലുണ്ടായ ദാരുണമായ റെയില്‍ അപകടത്തില്‍ ഞാന്‍ അഗാധമായ ദുഃഖം രേഖപ്പെടുത്തുന്നു," എന്ന് സ്പാനിഷ് പ്രധാനമന്ത്രി പെഡ്രോ സാഞ്ചസ് എക്സ് (ത) സോഷ്യല്‍ മീഡിയയിലൂടെ പ്രതികരിച്ചു. അപകടത്തില്‍ ജീവന്‍ നഷ്ടപ്പെട്ടവരുടെ കുടുംബങ്ങളുടെ ദുഃഖത്തില്‍ പങ്കുചേരുന്നതായും അദ്ദേഹം അറിയിച്ചു.
യാത്രക്കിടെ ലാപ്ടോപ്പില്‍ ജോലി ചെയ്തുകൊണ്ടിരിക്കവേ ശക്തമായ കുലുക്കവും ട്രെയിന്‍ മറിയുന്നതും കണ്ട ഭയപ്പെടുത്തുന്ന അനുഭവം യാത്രക്കാരിലൊരാളായ 54 കാരനായ ജീസസ് ജെറോണിമോ മാധ്യമങ്ങളോട് പങ്കുവെച്ചു. അപകടത്തിന്റെ യഥാര്‍ത്ഥ കാരണം കണ്ടെത്താന്‍ അധികാരികള്‍ സമഗ്രമായ അന്വേഷണം പ്രഖ്യാപിച്ചിട്ടുണ്ട്.
Comments: